Las trenta-nòu Grasas

Richard Hannay s’embèstia a Londres e lo rescontre amb un agent secrèt li va cambiar la vida. Acabada la desobrança ! Perseguit coma murtrièr per la polícia e coma dangièr pels espions estrangièrs, li demòra sonque qualques jorns per salvar la patria. La caça comença... Un dels primièrs romans d’espionatge amb tota la plega que va amassa : eròi barrutlaire, desinformacion, guèrra psicologica, espions, complòt internacional, còdi secrèt, perseguidas, cortalen, luchas, desguisaments, tot i es — enfin, per l’epòca —, sens doblidar una brava part d’umor. Lo roman foguèt adaptat al cinema en 1935 per Alfred Hitchcock..

John Buchan es un òme d’Estat Britanic, nascut en 1875 a Perth (Escòcia) e mòrt a Montreal (Quebèc). Comença sa carrièra coma avocat, puèi partís en Africa del Sud just aprèp la guèrra dels Boers per participar a la rebastida del país. Tomba malaut e aquela expériencia aurà de consequéncias sus sa vida d’escrivan. Tornat a Londres, se met a escriure, e en 1915 se lança dins lo jornalisme coma correspondent de guèrra. Tot continuant sa carrièra d’escrivan, entamena una carrièra politica e es elegit en 1927 al Parlament britanic. En 1935 es nomat Governador General de Canadà e signa la dintrada en guèrra d’aqueste dominiom britanic. Morís en 1940. Sos romans son considerats coma los precursors del roman d’espionatge.

Pèire Beziat (nascut en 1954) nos torna presentar una òbra màger de la literatura mondiala. Ja foguèron editadas ençò de las Edicions deus Regionalismes, sas reviradas de Viatge amb un Ase per Cevenas de R.-L. Stevenson, La Pèsta Escarlata de J. London, 1984 de G. Orwell, Las Memòrias de Sherlock Holmes d’A. Conan Doyle, L’Òme invisible de H. G. Wells e Lo cas estranh del Dr Jekyll e Sr Hyde de R.-L. Stevenson.

Un classique des romans d'espionnage de l'auteur écossais John Buchan, traduit en occitan par Pèire Beziat.